Duo dich en ich

Naam: Jop en Siem
Leeftijd: 15 jaar
Woonplaats: Heel
Naam act: Duo dich en ich
Naam liedje: Laot os zjeve
Facebook: Duo dich en ich

Wae zeen duo Dich en Ich, besjtaondje oet Jop Lintjens en Siem Bongers. Wae zeen al hieël lang gooj vrunj, mer ós echte vrundsjap is begós toen Siem gevraogdj waerdje es Jeugdprins in Hael, hae koeës toen Jop es ziene adjedant.

Nao ein jaor same de jeugdvastelaovendj in Hael op ziene kop gezatte te höbbe vónje wae ’t tied óm ouch ós vokaale kunste te toeën te sjpreije.

Dit jaor zeen wae derdje gewoeëre op ’t Haelder leedjeskonkoers.

Wae höbbe dit jao váór de tjwieëdje kieër weer mèt ein leedje gesjreve door David Peeters deilgenómme aan ’t leedjeskonkoers van Hael.

Naodet wae ’t vueërig jaor ein super ervaring höbbe gehatj biej ’t TVK höbbe wae besjloeëte ós dit jaor ouch weer in te sjrieve väör ’t TVK, en zeen mèt sukses doorgedrónge toet de finale.

Óm ós zang skils nog mieër te verbaetere höbbe wae besjloeëte óm inkele zanglesse te numme. Dit is ouch super leuk en ’t zinge geit den ouch sjteeds baeter.

Ós leedje van dit jaor geit d’r ueëver det wae door de vastelaovendj haer zjweeve.

Same zjweeve is toch waal ’t ultieme vastelaovesgeveul.

Wae höbbe sjpesjaal vaor dit leedje ein vleegtuug aangesjaftj zoeëdet wae nog baeter kinne zjweeve.

Hiejdoor kinne wae ós supersjnel verplaatse en kinne ueëveral in Limburg optraeje mèt de vastelaovendj.

Dit artikel is geschreven door Duo dich en ich.