Puur Plat

Naam: Raf Gielen en Jeaneau Thoma
Leeftijd: 15 en 16 jaar
Woonplaats: Puth en Schinnen
Naam act: Puur Plat
Naam liedje: Doe en ich
Facebook: Puur Plat

Raf Gielen (15 joar) en Jeaneau Thoma (16 joar) vurme same ‘t duo Puur Plat! Dees twee enthousiaste carnavalsvierders oet Pöt en Sjènne sjtoan wederom in de finale van het TVK!

’t Duo is ontsjtange noadat ze in 2014 allebei jeugprins woare: Jeaneau bie de Schinöster en Raf bie de Pötters. Ze regeerde allebei es zèngende prinse, eeder mit hun eige vasteloavesleedje. Noa dae biezunjere vasteloavend besjloate ze om hun sjtumme biejein te voege. En mit succes! Inmiddels höbbe ze ein sjwoan repertwoar opgeboewd en sjtoan ze regelmoatig urreges in de gemeinte Beekdaelen én doa boete op de bühne.

Eine echte laevensgeneeter is Jeaneau! Hae is opgegreujd in ein restaurant en doa heurt good aete en gezelligheid bie. Neet veur niks zit hae op de Hotelsjool in Hasselt. Raf zit alweer in de veerde klas op ‘t Graaf Huyn College in Gelaen. Hae besjteed ziene vrieje tied ’t leefste aan toneel bie ’t Laagland in Zitterd. En komme dees twee jonges urreges same, dan sjteit dat garant veur gezelligheid en ein gooie sfeer!

Hun leedje van dit joar is ein pittig uptempo vasteloavesleedje mit eine echte rep d'r in verwirk. “Doe en ich, veer zin gebaore in 't vasteloavesleech” zinge ze. En es dat leech einmoal good op dich gesjéne hèt dan raaks ze dat dien ganze laeve nwoats meer kwiet. In februari 2019 in Venroj loate veer toes de boel de boel en maake veer d´r weer ein sjiek feeske van in´t Limburgse Landj!

Meer euver os weite of os boeke? Bekiek os dan 'ns op facebook, instagram of mail os via puurplat@gmail.com

Dit artikel is geschreven door Puur Plat .