Same Sjpas

Naam: Isabelle Jennes, Linn Dobbelsteijn, Joran Vaessen en Pim Lebens
Leeftijd: 16 en 18 jaar
Woonplaats: Doenrade, Puth, Meers en Munstergeleen
Naam act: Same Sjpas
Naam liedje: Luduvudu
Facebook: Same Sjpas

Wie mieër vrung, wie mieër Same Sjpas

In 2015 deeje vieër de iësjte kieër mit aan ut TVK en sjtonge in de finale mit os leedje :‘Hië bin ich dan’. Wie sjiek is ut dat vieër noë in 2019 al waer vuur de viefde kieër mit mooge doon ? Ut wènt noejts, mèr vieër wauwe dit keër waal ’s ech gèt angesj doon. Vieër zint neet vuur nieks tieners. Neet ummer binnen de liéntjes kluure, mèr ut gewuün angesj doon dan wat verwacht waerd.

Vieër gont laote zieën en huüre dat un onmeugelikke combinatie mit carnaval meugelik is: Vastelaovendmuziek en klassiek in één leedje. Kint neet, besjteet neet. Dink angesj. Dat dont tieners ooch.

Sjuus wie veül tieners hubbe vieër ooch waal us leefdesverdreet, oftewaal ‘luduvudu’. Mèr vieër hubbe ut ganse jaor ‘luduvudu’ vuur de Vastelaovend. Gelukkig waerd ut ummer waal weer de 11vande11 en dan kinne vieër waer heerlik verleefd zint op de Vastelaovend.

Wie kinste baeter uüver de leefde zinge dan same sjpas make mit twieë lekkere jonges. Hië zint zië dan, Pim oët Meas en Joran oët Munstergelaen. Num ‘ns één carnavalsleedje op en Pim en Joran zinge ut zoeë mit. Puur oët ‘luduvudu’ hubbe zië doeër ut jaor alleen mèr Vastelaovendmuziek oët hun uerkes komme en sjnakke zië ummer waer nao ut sjoënste seizoen van sjpas en plezeer.

Vanaaf de 11vande11 bis aan Esjwoonsdig, bis de lètste hiëring hubbe vieër verkiëring mit de Vastelaovend en dan de res van ut jaor waer ‘luduvudu’. Vieër wunsche alle finaliste hieël veül succes toe, geneet en maak vuural ummer same sjpas en dink angesj……

Dit artikel is geschreven door Same Sjpas.