Verrékkes Moj

Naam: Klaas, Jonas, Sanne en Sija
Leeftijd: 18 jaar
Woonplaats: Venray
Naam act: Verrékkes Moj
Naam liedje: R.I.T.M.E.
Facebook: Verrékkes Moj

Vastlaovesviērend Limburg!

“Hallo, hiēr zien wìj wér”, ’n stukske uut ’n écht Venrods vastelaovesliedje. En jao, waor zien wìj nòw? Richteg, ien Venroj! Ien ’t lând van De Piëlhaas en D’n Hazekeutel, ’t lând van Bjorn & Mieke, már ok ’t lând van Verrékkes Moj. En verrék, dan klopt het stukske uut ‘t échte Venrodse vastelaovesliedje ok nog!

Hallo, hiēr is Verrékkes Moj wér, en dat vur d’n derde kieër ien de finale van ’t TVK! ‘T afgeloëpe vastelaovessezoen hebben wìj de ieër gehad, um als winnaar van ’t TVK 2018, de Limburgse vastelaovestieners ien de gânse provincie te meuge vertreeje. Wìj knalde, Venroj knalde, Limburg knalde, de Vastelaovend knalde, en dat was écht Verrékkes Moj!

Ok dit jaor vertreeje wìj namens Vastelaovesvereniging de Piëlhaas òs aege dörp Venroj. Dur ònder andere de fantastische òndersteuning van de Rooyse Topp, dé tienertak van Vastelaovesvereniging de Piëlhaas, staon wìj nòw same mit de andere 3 Rooyse Toppers te popele ‘t dak van sporthal De Wetteling d’r af te blaoze!

Wìj kenne gasthieër Jeugdvastelaovesvereniging D’n Hazekeutel nog baeter dan òs aege binnetés, en durve dan ok te zeggen dat ‘t vanaovend mieër dan Verrékkes Moj werd! Same mit alle finalisten, de organisatie én ’t publiek werd ’t ’n dik knalfieëst. ’N Verrékkes Moj knalfieëst dat Limburg laot zien dat de traditie Vastelaovend werd durggegaeve!

En nòw nog ekfes terug naor ’t begin, aegelek ’t vernaamste van dizze bladziej. Ritme Inspireert Tot Magische Énèrgie, ok wel R.I.T.M.E.! Jao! Dat is de titel van òs nummer! Waor ge ok már kumt mit de Vastelaovend, aoveral huurde ’t R.I.T.M.E. ’T löt òw hart sneller slaon, òw hând en ow bieën gaon shake, en uutaendelek springt zelfs de gânse provincie uut zien R.I.T.M.E.! Dit allemaol verwekt mit magische énèrgie, en dat zal noeëts aovergaon!

Ritme Inspireert Tot Magische Énèrgie!

Dit artikel is geschreven door Verrékkes Moj.