Puur Plat

Naam: Raf en Jeaneau
Leeftijd: 16
Woonplaats: Puth en Schinnen
Naam act: Puur Plat
Naam liedje: Vrie
Facebook: Raf en Jeaneau
Kandidaat Puur Plat

Raf Gielen (16 joar) en Jeaneau Thoma (17 joar) vurme same ‘t duo Puur Plat! Dees twee enthousiaste carnavalsvierders oet Pöt en Sjènne sjtoan wederom in de finale van het TVK!

Vasteloavesvierders in hart en zeel
’t Duo is ontsjtange noadat ze in 2014 allebei jeugprins woare: Jeaneau bie de Schinöster en Raf bie de Pötters. Ze regeerde allebei es zèngende prinse, eeder mit hun eige vasteloavesleedje. Noa dae biezunjere vasteloavend besjloate ze om hun sjtumme biejein te voege. En mit succes! Inmiddels höbbe ze ein sjwoan repertwoar opgeboewd en sjtoan ze regelmoatig urreges in de gemeinte Beekdaelen én doa boete op de bühne.

Raf Gielen en Jeaneau Thoma
Eine echte laevensgeneeter is Jeaneau! Hae is opgegreujd in ein restaurant en doa heurt good aete en gezelligheid bie. Neet veur niks zit hae op de Hotelsjool in Hasselt. Raf zit alweer in de viefde klas op ‘t Graaf Huyn College in Gelaen. Hae besjteed ziene vrieje tied ’t leefste aan toneel bie ’t Laagland in Zitterd of bie `t toneel in Pöt. En komme dees twee jonges urreges same, dan sjteit dat garant veur gezelligheid en ein gooie sfeer!

Vrie
Het leedje van dit joar is ein pittig uptempo vasteloavesleedje. En de naam zèt `t al `Vrie`. Sjud alle sjtress van sjoal en thoes van dich aaf, want mit Vasteloavend veult jekerein zich vrie!!

Op 25 januari 2020 in Steyl – Tegele loate veer toes de boel de boel en maake veer d´r weer ein sjiek feeske van in´t Limburgse Landj!

Meer euver os weite of os boeke?
Bekiek os dan ‘ns op facebook www.facebook.com/puurplat , instagram of mail os via puurplat@gmail.com
Alaaf, alaaf, alaaf!
Puur Plat