Teije

Hoihoi, Ich bin Teije en ich bin dea Belsj dea de finale gehooldj heet. Sinds ich gebore bin, 14 joar geleje, woën ich in Biësel. Det ligtj neave Stramproy mer den aan de angere kant van de sjtreep.

Ich bin bie de voetbal, ich speul bugel bie de fanfaar, trom bie de drumband, dans en zing en tussedoor goan ich nog noa sjoël in Mezeik.

Ein paar joar geleje bin ich jeugdprins geweast hiej in Biësel en vanaaf toen hub ich de vastenoavendsmicroob hiëlemoal te pakke.

Mien leedje hetj “Ich bin weem ich bin” en det is auch de road dea ich aan eederein wil metgeave: altied dichzelf blieve en dich amezere. Ich kiek der den auch hiel erg noa oet om det same met uch te doon de 25ste.